Tenements de Familles en Campaigne

Tenements de Familles en Campaigne

 

L'entr-souéteriy MFR/TFC de Bertègn

 

Les MFR/TFC de Bertègn sont pour former :

- a l'ecole e en enterprinzes a tour e a reng.

- en eprentissaïje

- a la continue

 

Les MFR-la s'apouyent su la vivetë de lou souéteriy pour qe les formézons q'il enqhuzent jouent le pus le mieû o les bezeins du terouére. En pus d'ela i s'apouyent su 7000 monde de metier prés-a-prés qi tarvaillent en etrâriy d'o yelles pour erceper les poussous ben ercepës.

 

Les valentoures :

 

Eune pedagojiy d'eprentissaïje entr l'ecole e l'enterprinze a tour e a reng

Des leûs pour lous estaïjes qi jouent de neuzë o le projit a votr jieune

Des jieunes aprinz a la citeyenetë e a avaïr l'esprit debarë

Des eqhipes d'eblussaïje qe ça les menent lou ouvraïje e qi ident és jieunes vra vraiment. Les eqhipes-la demenent des tenements de formézon a la grandour du monde.

Des estaïjes den d'aotrs payiz qi envalorent les conveniances és jieunes e qi ident a qe 'la seije pus d'amain pour yeûs-aotrs de terouer lou chevi den la societë e den le monde des metiers d'astoure.

 

Eyou qe je somes-ti don su le terouére de la rejion en 2016-2017 ?

34 consorteriys (de yelles : 4 ergroupements su les departements e yun su la rejion)

Notr entr-souéteriy a crochë su 14 des 21 payiz de Bertègn e je somes ben enchancës en campaigne.

Pus de 4300 familles q'on prinz part, 9000 enterprinzes qi bezeignent d'o nous su la formézon.

465 benvoulants fezandous

576 gaïjës

 

Comben qe n-i a de monde céz nous ?

+8000 bounes jens ercepës en formézon (poussous, aprentifs, estaijiéres)

18 demaenes de formézon

Formézon permiere « ministere de l'agriqhulture » => 4 000 poussous.

Eprantissaïje : 260 aprentifs ou primes-aprentifs su 10 empllat du CFA rejiona des MFR de Bertègn.

Formézon de metier a la continue => 3850 estaijiéres (a l'about ét pus de 430 000 oures de formézon q'ont sieudu les estaijiéres)

u